Takk Gud for fargane-
og mønstra i alt du har skapt.
Ein sommarfugl - eit ansikt -
hender som er merka av tunge tak.
Mønstera i steinane,
som er blitt flytta på av desse hendene.
Vakre broderi - skapt i kvileøktene.
Desse stundene som var med
å lyfte kvardagen opp frå det harde slitet.
Gleda over fargane og mønstera
utan å måtte gjere greie for
kvifor det er vakkert.
Kvifor formene passar saman.
Kvifor fargane passar saman.
Eller ikkje passar saman.
Det var berre vakkert.
Takk Gud for evna til å sjå - skape
og berre nyte.
Takk for evna til å glede seg over dei små detaljane.
Takk for at du har sett dine fargerike
puslebitar saman -
slik at vi berre må undre oss.
Skrevet av Berit, mamma, sept. 2005.
